Toshkent shahri ostonasiga yaqin hududda katta yong‘in va kuchli portlash yuz bergani haqida ijtimoiy tarmoqlarda va Telegram kabi lahzalik xabar almashish tizimlarida bir-biriga zid xabarlar paydo bo‘ldi.
Ijtimoiy tarmoqlarda Toshkent shahridan sharq tomonda yuz berayotgan katta yong‘in suratlari paydo bo‘lgan. Suratlarning deyarli barchasi uzoq masofadan olingan.
Turli, tasdiqlanmagan manbalarga asoslanib ijtimoiy tarmoq foydalanuvchilari tomonidan tarqatilgan axborotlarga ko‘ra, Tuzel qo‘rg‘onidagi aerodrom yoki shaharning sharqiy qismidagi yirik sanoat korxoanalaridan biri yonayotgan bo‘lishi mumkin.
Foydalanuvchilarning biri tomonidan tarqatilgan ovozli xabarda hodisa “Rohat” posti yaqinidagi gaz quyish shoxobchalarining birida yuz bergani aytiladi.
Ma’lumot uchun, hodisaning aynan qayerda, nima sababdan sodir bo‘lgani, ko‘lami, jabrlanuvchilari haqida aniq ma’lumot yo‘q, hodisa haqida rasmiy axborot berilganicha yo‘q.
Facebook’dagi “Voditeli Tashkenta” guruhida foydalanuvchilar tomonidan qoldirilgan xabarlarga ko‘ra, yong‘in va portlash shahar yaqinidan o‘tgan magistral gaz quvurida yuz bergan, hodisa joyiga ko‘plab tez yordam karetalari va o‘t o‘chirish mashinalari o‘tib ketgan.
Аеродром, Артел заводи, заправка... нима ёнвотти ўзи? Ҳамма хоҳлаган вариантини ёзиб ўтирибди.
— Abror Qodirov (@AbrorQodirov) August 24, 2015
Артел заводи портлабди
— 🦋 (@GafurovaD) August 24, 2015
Тошкентда жуда катта портлаш ва ёнғин.
— Bobur Fozilxon öğli (@BoburAkmalov) August 24, 2015
Bektemirda benzakalonka portlagani rostmi?
— Bemalolxo'ja (@xotirijam) August 24, 2015
Тошкентда эмас экан у портлаш. Ҳозирча миллион версия. Аниғини билмийман. Ўзи асрасин!
— Bobur Fozilxon öğli (@BoburAkmalov) August 24, 2015
Izoh (0)