2015-yil 23-sentabr kuni, musulmonlarning muqaddas bayrami — Qurbon hayiti arafasida Rossiya prezidenti Vladimir Putin va xorijiy davlatlar rahbarlari ishtirokida Moskva jome’ masjidining tantanali ochilish marosimi bo‘lib o‘tadi. Bu haqda Rossiya muftiylar kengashi ma’lum qilgan.
Qayd etilishicha, Rossiya prezidenti ma’muriyati Vladimir Putinning ish tartibiga Moskva jome’ masjidi majmuasining tantanali ochilish marosimi muddatini kiritgani rasman ma’lum bo‘lgan.
Ma’lumot uchun, 1904-yilda ochilgan Moskva jome’ masjidi hozirda rekonstruksiya qilinmoqda. Masjid joylashgan hudud 964 kvadrat metrdan 18 900 kvadrat metrga kengaytirilgan. Bino olti qavatdan iborat, 7 ta lift bilan jihozlangan. Masjid bir paytning o‘zida 10 minggacha kishini sig‘dira oladi.
Izoh (0)