Internetda Jeyms Bond haqidagi filmlarning yangi qismi — “007 Spektr” (“Spectre”)ning ikkinchi rasmiy treyleri paydo bo‘ldi. “Korrespondent.net”ning xabar berishicha, rejissyor Sem Mendesning mazkur filmida bosh rollarni Deniyel Kreyg va Monika Beluchchi ijro etgan.
“007 Spektr” britaniyalik mohir agent haqidagi 24-film bo‘ladi. Unda Jeyms Bond noma’lum manbadan shifrlangan maktub oladi, bu maktub uni shartli nomi Spectre bo‘lgan yovuz global tashkiloti iziga olib chiqadi.
Filmning jahon premyerasi 2015-yil 25-oktabr kuni bo‘lib o‘tishi ko‘zda tutilgan.
Bondning qaylig‘i rolini italiyalik mashhur aktrisa Monika Beluchchi ijro etgan. Bundan tashqari, “Spektr”da Lea Seyd, Stefani Sigman, Deyv Batist, Reyf Fayns, Endryu Skott, Naomi Xarris va Ben Uishou kabi aktyorlar suratga tushgan.
https://youtu.be/LTDaET-JweU
Eslatib o‘tamiz, 1962—2012-yillar mobaynida Jeyms Bond haqida 23 ta film suratga olingan bo‘lib, mazkur kartinalar o‘z ijodkorlariga jami 6 milliard dollardan ortiq daromad keltirgan.
Izoh (0)