Janubiy Koreyaning Samsung kompaniyasi Galaxy Tab S2 — dunyodagi eng ingichka planshetlarini taqdim etdi, deya xabar bermoqda “Mail.ru”.
Yangi flagman planshetlari ikki xil: Galaxy Tab S2 9.7 va Galaxy Tab S2 8.0 versiyalarida taqdim etildi, ular tegishli ravishda 9,7 va 8 dyuymli hamda 2048×1536 pikselli displeylarga ega. Shuningdek, ular sakkiz yadroli firma protsessori, 3 Gb tezkor va 32/64 Gb doimiy xotira (+microSD), 8 megapikselli asosiy va 2,1 megapikselli old kamera bilan jihozlangan.
Galaxy Tab S2 9.7 169×237×5,6 mm, Galaxy Tab S2 8.0 esa 134,8×198,6×5,6 mm o‘lchamlarga ega.
Planshetlar keyingi oyda sotuvga chiqadi. Galaxy Tab S2 8.0 399 (Wi-Fi’li versiyasi) va 469 (LTE’li versiyasi) yevrodan, Galaxy Tab S2 9.7 esa 499 (Wi-Fi’li versiyasi) va 569 (LTE’li versiyasi) yevrodan sotilishi xabar qilinmoqda.
Izoh (0)