Professional boksning super og‘ir vazn toifasi WBA yo‘nalishida “muntazam” jahon chempionlik kamarini o‘zida saqlab kelayotgan o‘zbekistonlik Ruslan Chagayev o‘ziga tegishli bo‘lgan titulni munosib tarzda himoya qildi, deb xabar beradi “Olamsport.com”.
Germaniyaning Magdeburg shahrida bo‘lib o‘tgan boks oqshomida Chagayev italiyalik Franchesko Pyanetaga qarshi ringga chiqdi.
Ushbu jangda Ruslan Chagayev ko‘pgina savollarga javob bergani holda ringga O‘zbekiston bayrog‘i hamda madhiyasi sadolari ostida ko‘tarildi.
Jangni ketma-ket zarbalar bilan boshlagan Chagayev birinchi raunddayoq raqibini nokautga uchratdi. Referi ketma-ket ikki nokdaundan so‘ng jangni to‘xtatdi.
Izoh (0)