Malayziya urib tushirilgan “Boing” bo‘yicha xalqaro tribunal haqidagi rezolyutsiya loyihasini ishlab chiqdi

Malayziya BMTning Donetsk yaqinida “Boing”ning halokatga uchragani to‘g‘risidagi ish bo‘yicha xalqaro tribunal tashkil etish haqidagi rezolyutsiyasi loyihasini ishlab chiqdi, deya xabar bermoqda Meduza.

Ushbu hujjatda aytilishicha, tribunal ishning mustaqil va xolisona ko‘rib chiqilishi kafolatini ta’minlaydi. Rezolyutsiya mualliflari dunyoning barcha mamlakatlarini tribunal bilan hamkorlik qilishga chaqirmoqda.

Eslatib o‘tamiz, iyun oxirida niderlandiyaliklar BMT Xavfsizlik kengashi huzurida Ukraina osmonida urib tushirilgan “Boing” ishi bo‘yicha xalqaro tribunal yaratish tashabbusini ilgari surgan edi. Ushbu ish bilan bog‘liq yuridik va siyosiy murakkabliklar Niderlandiya hukumatini xalqaro tribunal yaratish haqida o‘ylab ko‘rishga undagan.