Germaniyaning Karlsrue shahrida joylashgan mashhur “Yuk tashuvchi” haykaliga jarima yozildi. Bu haqda TJ xabar bermoqda.
Yo‘l xizmati nazoratchisi tomonidan yozilgan jarimaga asosan, transport vositasining egasi noto‘g‘ri joyda avtomobilni to‘xtatib, qoldirib ketgani uchun 30 yevro to‘lashi kerak.
Avstriyalik rassom Ervin Vurm tomonidan ishlangan “Yuk tashuvchi” haykali Mercedes MB 100D avtomobilidan tayyorlangan. Uning kuzovi shu qadar bukilganki, old tarafi yerga parallel, orqa g‘ildiraklari esa yon tomondagi bino devoriga tayanib turadi.
Installyatsiya Karlsruening 300 yillik yubileyi sharafiga o‘rnatilgan. Avtomobil shahar San’at va mediatexnologiyalar markazi (ZKM) ko‘rgazmasining bir qismi hisoblanadi.
ZKM vakillarining tasdiqlashlaricha, yuk mashinasiga haqiqatan ham jarima yozilgan, biroq politsiyachi bu vaziyatda hazillashgan, chunki installyatsiyaning o‘rnatilishi haqida shahar ma’muriyati oldindan ogohlantirilgan edi.
Avtomobillar deformatsiyasi Vurmning eng mashhur ijodiy uslublaridan biri hisoblanadi. Uning bunday asarlari orasida bukilgan Volkswagen, shuningdek, “shishirilgan” qizil Porsche kabilar bor.
Izoh (0)