Rossiya qahramoni Ahmathoji Qodirov nomidagi mintaqaviy jamoatchilik fondi prezidenti Aymani Qodirova Chechenistonning 14 ta yirik masjidida ro‘zadorlar uchun iftorlik uyushtirishga qaror qildi. Bu haqda Checheniston rahbari Ramzan Qodirov o‘zining Facebook’dagi sahifasida ma’lum qilgan.
Bundan tashqari, jamg‘arma Makka va Madina shaharlarida 50 ming kishi uchun, shuningdek Turkiya, Iordaniya va Qrimdagi muhtojlar uchun iftorlik beradi. Ramazon oyining birinchi kunida Checheniston aholisiga qator kafe va restoranlarda bepul iftorlik taklif etiladi.
Qodirovning so‘zlariga ko‘ra, ilk taroveh namozi uchun Ahmathoji Qodirov nomidagi “Checheniston yuragi” masjidiga minglab odamlar to‘planib, Checheniston va Rossiya uchun, butun dunyo musulmonlari uchun duo qilgan. Namoz vaqtida Ramazon boshlanishi sharafiga mushaklar otilgan.
Izoh (0)