2015-yilda abituriyentlar o‘zgartirish kiritilgan javoblar varaqasini to‘ldiradi

Oliy ta’lim muassasalari bakalavriatiga qabul qilish uchun test sinovlari O‘zbekiston Respublikasi Adliya vazirligida 2011-yil 8 iyulda 2242-son bilan ro‘yxatdan o‘tkazilgan “O‘zbekiston Respublikasi oliy ta’lim muassasalarining bakalavriatiga talabalarni qabul qilishda test sinovlarini o‘tkazish to‘g‘risida”gi Nizom asosida o‘tkaziladi, deb xabar bermoqda “Darakchi” gazetasi.

Mazkur Nizomga 2014-yil 15-avgustda 2242-1-son bilan o‘zgartirish kiritilgan. Jumladan, javoblar varaqasiga ayrim o‘zgartirishlar kiritildi. Javoblar varaqasida abituriyent titul varaqasidan ko‘chirishi lozim bo‘lgan ta’lim muassasasi kodi, tanlov kodi olib tashlandi va faqat maxsus kod qoldirildi.

Bundan tashqari fan bloklari olib tashlanib, ketma-ket 1 dan 108 gacha raqamlandi (savollar kitobida ham 1 dan 108 gacha raqamlanadi). Abituriyent haqidagi ma’lumotlar (familiyasi, ismi, otasining ismi, ta’lim muassasasi, ixtisoslik, imzo) 1-betga ko‘chirildi.