Luiziana okrug sudi hayotining 43 yilini bir kishilik kamerada o‘tkazgan 68 yoshli mahbus Albert Vudfoksni ozod etishga qaror qildi, deb xabar berdi Meduza.
Vudfoks ikki marta qamoqxona qo‘riqchisini o‘ldirganlikda aybdor deb topilgan bo‘lsa-da, har ikkala chiqarilgan qaror bekor qilingan edi. Sud ishni uchinchi marta ko‘rib chiqish uchun yuborishni rad qilgan. Sud uni ozodlikka chiqarish to‘g‘risidagi qarorda yoshi va sog‘ligining yomonligini inobatga oldi.
Albert Vudfoks 1967-yilda qurollangan bosqinchilik sodir etganligi uchun jazoga mahkum etilgan bo‘lib, 1972-yilda esa u qamoqxona qo‘riqchisini o‘ldirganlikda aybdor deb topilib, bir kishilik kameraga o‘tkazilgan.
Vudfoks bir kishilik, o‘lchamlari taxminan ikkiga uch metr bo‘lgan hamda derazasi bo‘lmagan kamerada sutkaning 23 soatini o‘tkazadi.
Izoh (0)