O‘zbekiston musulmonlari idorasi raisi, muftiy Usmonxon Alimov Ulamolar kengashining 2015-yilgi Zakot, fitr sadaqa va fidya miqdori bo‘yicha qarorini imzoladi. Qaror matni musulmonlar idorasining rasmiy veb portalida e’lon qilingan.
Unga ko‘ra, zakot nisobi 1 gramm tillaning bugungi kundagi bozordagi o‘rtacha narxi 84 000 (sakson to‘rt ming) so‘m ekanligini e’tiborga olib, 85 gramm tilla hisobidan zakot nisobi 7 140 000 (Yetti million bir yuz qirq ming) so‘m ekanligi va mazkur summadan qirqdan bir hissasi, ya’ni 178 500 (bir yuz yetmish sakkiz ming besh yuz) so‘m zakot chiqarish to‘g‘risidagi xulosasi ma’qullandi.
Fitr sadaqasi miqdori viloyat, shahar va tuman bozorlaridagi 2 kilogramm bug‘doy narxidan kelib chiqqan holda belgilanadi. (Masalan 2015-yilda Toshkent shahri bozorlarida 1 kilogramm bug‘doyning narxi o‘rtacha 1 600 so‘m bo‘lsa, demak 2 kilogramm bug‘doy narxi 3 200 so‘m bo‘ladi).
Fidya miqdori uzr bilan ro‘za tutolmaydigan kishilar uchun bir och odamning bir kunlik oziq-ovqati barobarida bo‘lib, o‘rtacha 10 000 (o‘n ming) so‘m deb belgilandi.
Izoh (0)