Britaniyaning The Guardian nashri tahririyati ko‘pchilik bilmaydigan tabiatning mo‘jizalari ro‘yxatini e’lon qildi. Bu haqda Korrespondent.net xabar bermoqda.
Ro‘yxatda birinchi o‘rin Alyaskadagi Mendenxoll muzligiga nasib etdi. Ikkinchi va uchinchi o‘rinlarni mos ravishda Filippindagi Shokolod tepaliklari va Kanadadagi Xelmkken sharsharasi egalladi.
1. Mendenxoll muzligi, Alyaska, AQSh. Uning uzunligi 19 kilometrga teng. Erish natijasida bu yerda muntazam ravishda suvosti labirintlariga o‘xshash g‘orlar yuzaga keladi.
2. Shokolad tepaliklari, Filippin. Tepaliklar yashil maysalar bilan qoplangan bo‘lib, qurg‘oqchilik mavsumida jigarrang tusga kiradi – joy nomining kelib chiqishi ham shundan.
3. Xelmkken sharsharasi, Kanada.
4. Tara daryosi kanoni, Chernogoriya. Kanon hududi Durmitor parki bilan birgalikda YuNЕSKOning Jahon merosi ro‘yxatiga kiritilgan.
5. Benagil plyaji, Portugaliya. Bevosita sohilbo‘yida joylashgan va bu joylar uchun xos bo‘lgan qoyalar plyaj manzarasining asosini tashkil etadi. Yoz kunlarida bu yerlar odamlar bilan gavjum bo‘ladi.
6. Kano-Kristales daryosi, Kolumbiya. Daryo suv o‘tlarining turlicha tuslanishi sabab o‘z rangini o‘zgartirib turadi, shu sababli ham mahalliy aholi uni “besh rangli daryo” deb ataydi.
7. Vaytomo g‘orlari, Yangi Zelandiya. G‘orlar faqat Yangi Zelandiyada uchratish mumkin bo‘lgan yaltiroq qo‘ng‘izlar tomonidan egallangan. Ularning yashil-moviy bo‘lib tovlanishi g‘orlar gumbazini yulduzlarga to‘la osmonga o‘xshatib ko‘rsatadi.
8. Meduzalar ko‘li, Palau. Tabiiy dushmanlarning yo‘qligi sabab, ko‘lda yashovchi ikki turdagi – oltin va Oy meduzalar 2 million donagacha ko‘paygan. Bundan tashqari, mazkur meduzalar chaqish qobiliyatini yo‘qotgani sabab sayyohlar bu yerga kelishga xush ko‘rishadi.
9. Senot Ik Kil, Meksika. Meksikaning eng mashhur va eng ko‘p tashrif buyuriladigan tabiiy quduqlaridan biridir.
10. Salstraumen oqimi, Norvegiya. Jahondagi eng kuchli oqimlardan biri.
Izoh (0)