Ozarbayjon prezidenti Ilhom Aliyevning qizi Laylo o‘z Instagram’ida musiqachi va Crocus Group kompaniyasi vitse-prezidenti Emin Agalarov bilan ajrashganini e’lon qildi, deya xabar bermoqda “RIA Novosti”.
“Ozarbayjondagi ko‘pchilik Emin bilan turmushimiz so‘nggi paytlarda faqat rasmiy xususiyatga ega bo‘lganidan xabardor. Biz turli shaharlarda alohida-alohida yashaymiz”, — deb yozdi u.
“Ajrashuvimizni rasmiylashtirish vaqti keldi va biz buni amalga oshirdik”, — dedi Laylo Aliyeva. Uning so‘zlariga ko‘ra, u sobiq eri bilan do‘st bo‘lib qoladi.
“Biz do‘st bo‘lib qolib, farzandlarimizni birgalikda tarbiyalashda davom etamiz”, — deya buni tasdiqladi Emin Agalarov.
Laylo Aliyeva Haydar Aliyev Jamg‘armasi vitse-prezidenti hamda madaniyatlararo dialog bo‘yicha Islom Konferensiyasi tashkilotining Yoshlar forumi koordinatori hisoblanadi.
Izoh (0)