Osiyo Chempionati saralash bosqichiga tayyorgarlik ko‘rayotgan Jasur Abduraimov boshchiligidagi O‘zbekiston U-18 terma jamoasi 29-may kuni Birlashgan Arab Amirliklar U-18 terma jamoasiga qarshi o‘zining ilk nazorat uchrashuvini o‘tkazdi, deb xabar qiladi “Arena.uz”.
“Jar” stadionida o‘tgan bellashuv kutilganidek qiziqarli va hujumkor ruhda kechdi. Ikkala jamoada ham gol urish uchun juda ko‘plab vaziyatlar yuzaga keldi. O‘yin 3:2 hisobida o‘zbekistonlik yoshlar g‘alabasi bilan yakunlandi.
Eslatib o‘tamiz, Jasur Abduraimov boshchiligidagi yoshlar termasi BAAga qarshi ikkinchi nazorat uchrashuvini 31-may kuni o‘tkazadi.
Nazorat o‘yini
O‘zbekiston U-18 — BAA U-18 — 3:2 (1:0)
Gollar: Mirjahon Mirahmadov (42), Suhrob Nurillayev (76), Islom Qobulov (90) — Zayid al Amri (86), Abdulrahmon Ashkariy (90+1).
Izoh (0)