Ostonadagi maktab oldida o‘qituvchiga benzin sepib, yoqib yuborishdi

26-may kuni Ostonada mudhish hodisa sodir bo‘ldi. Erkak kishi 25-maktabda dars beruvchi o‘qituvchini yoqib yubordi, deb xabar qiladi “Nur.kz”.

“Men ayolning olov ichida yugurayotgani ko’rdim, u ‘Yordam beringlar!’, deb baqirardi. Bu dahshat. Men yosh bola bilan unga qarshi tomondan kelayotgandim. Mashinalar to‘xtashni boshladi va olovni o‘chirishdi. Ko‘rganlarimdan haligacha qo‘llarim titramoqda”, — dedi voqea guvohlaridan biri.

Erkakning shaxsi tasdiqlandi. Bu ishni ilgari politsiyada ishlagan jabrlanuvchining sobiq eri sodir etgan ekan. Sud qaroriga ko‘ra, uning o‘qituvchiga yaqinlashishi taqiqlangan edi.

Tasdiqlanmagan ma’lumotlarga ko‘ra, ayol terisining 60 foizdan ortig‘i kuyib ketgan.

Huquq-tartibot organlari ushbu voqea yuzasidan surishtiruv ishlarini boshlab yubordi.