O‘zbekiston Respublikasi Markaziy banki Rossiya OAVlarida muassasa tomonidan jismoniy va yuridik shaxslar uchun valyuta operatsiyalari to‘xtatilgani haqidagi xabarni rad etdi.
Bank matbuot xizmati e’lon qilgan rasmiy bayonotda aytilishicha, O‘zbekiston Respublikasi qonunchiligiga muvofiq, joriy xalqaro operatsiyalar va ular bilan bog‘liq xorijiy valyutani sotish yoki sotib olish jarayoni cheklashlarsiz amalga oshirilmoqda.
“Milliy valyutani xorijiy valyutaga konvertatsiya qilish jarayonlari tijorat banklari tomonidan Xalqaro valyuta jamg‘armasi Nizomining VIII moddasida belgilangan majburiyatlarga muvofiq o‘rnatilgan tartibda amalga oshirilmoqda”, — deyiladi bank rasmiy bayonotida.
“Ayni paytda rasmiy ayirboshlash kursi Rossiya telekanalida aytilganidek 1 dollar uchun 5000 so‘m emas, 2527 so‘mni tashkil etadi”, — deya ta’kidlanadi xabarda.
Izoh (0)