“Real” bosh murabbiyi Karlo Anchelotti sog‘ligi bilan bog‘liq muammo tufayli bir yil muddatga futboldan chetda bo‘lishi mumkinligini aytib o‘tdi, deb xabar bermoqda “Uff.uz”.
“Men bu haqida avval ham gapirgan edim, yana aytaman. Men bir yilga futboldan chetda bo‘lmoqchiman. Mening umurtqa suyaklarimda biroz muammo bor. Orqa miya faoliyatidagi buzilish tufayli qo‘lim titrab qolgan. Shu sababli vaqt yo‘qotmasdan operatsiya qildirishim lozim. Aks holda oyoqlarim ham titrab qolishi mumkin.
Ochig‘ini aytsam, davolanish uchun qancha vaqt ketishini bilmayman. Operatsiya Vankuverda bo‘lib o‘tadi. U yerda o‘z uyim bor. Bu muddat ichida Madridda va Kanadada yashab turaman.
Madriddagi ikki yil juda og‘ir o‘tdi. Bu orada qancha jismoniy va ruhiy kuch yo‘qotganimni hech kim bilmaydi”, − deydi Anchelotti.
Eslatib o‘tamiz, 55 yoshli murabbiy “Real”dan iste’foga chiqarilsa, davolanishga ketmoqchi.
Izoh (0)