AQShning Texas shtatidagi Ueyko shahrida 17-may, yakshanba kuni baykerlar to‘dalari o‘rtasida otishma yuz berdi. Natijada 9 kishi halok bo‘ldi va 18 kishi yaralandi, deb xabar qiladi “TASS”.
Politsiya ma’lumotlariga ko‘ra, mototsiklchilar o‘rtasidagi janjal shahardagi restoranlardan birida yuzaga kelgan. Keyin esa yaqin atrofdagi avtoturargohlardan birida mushlashuv boshlangan.
Mushtlashuv uyushtirganlar avvaliga pichoq, zanjir va rezina tayoq kabi sovuq qurollardan foydalangan, keyin esa o‘t ochishga tushgan.
Sakkiz kishi voqea joyida, yana bir kishi shifoxonada vafot etdi. Halok bo‘lganlarning barchasi baykerlardir. Hodisa joyiga yetib kelgan politsiyachilarga ziyon yetmadi.
Izoh (0)