Yamandagi mart oyi boshidan beri jangovar harakatlar natijasida halok bo‘lganlar soni 1600 kishidan oshib ketdi, yana 6200 kishi tan jarohati olgan. Bu haqda, BMTning Gumanitar masalalar bo‘yicha muvofiqlashtiruvchi boshqarmasining Yaman bo‘limi boshlig‘i Yohannes van der Klauga asoslanib, “TASS” xabar bermoqda.
“Qurolli nizoning oqibatlari uning fuqarolar hayotiga dahshatli darajada xavf solayotganini ko‘rsatmoqda. Nizo boshlanganidan beri havo hujumlari va quruqlikdagi to‘qnashuvlar natijasida 1600dan ortiq kishi halok bo‘ldi, 6200dan ortig‘i yarador bo‘ldi. Bu hozircha taxminiy raqamlar”, - dedi u.
Van der Klauning qo‘shimcha qilishicha, amaldagi hukumatga qarshi chiqqan isyonchi-xusiylar va quvg‘inga uchragan Yaman prezidentini qo‘llab-quvvatlagan Saudiya Arabistoni boshliq harbiy koalitsiya hujumlari natijasida 450 mingdan ortiq aholi o‘z yashash joyini tashlab chiqishga majbur bo‘lgan.
Izoh (0)