O‘zbekiston Qurolli kuchlari “Globalfirepower.com” saytida e’lon qilingan dunyoning eng qudratli qurolli kuchlari reytingida 54-o‘rinni egalladi, deya xabar bermoqda UzDaily. Reytingga dunyoning 126 davlati kirdi.
Nashrning eslatishicha, o‘tgan yili O‘zbekiston ushbu reytingda 106 ta mamlakat ichida 48-pog‘onani band etgan edi.
Ta’kidlanishicha, O‘zbekiston MDH davlatlari orasida Rossiya (2-o‘rin) va Ukraina (25-o‘rin)dan keyingi 3-o‘rinni egalladi.
Ushbu reytingda O‘zbekiston Markaziy Osiyo davlatlari orasida birinchi bo‘ldi. Qozog‘iston armiyasi reytingda 66-o‘rin, Qirg‘iziston — 78, Tojikiston — 81, Turkmaniston — 90-o‘rinda joylashdi.
Reytingni tuzishda 50 ga yaqin turli omillar, jumladan qo‘shinlar soni, quruqlik, havo va dengizda jangovar harakatlar olib borish uchun mo‘ljallangan harbiy texnika miqdori hisobga olindi. Shu bilan birga, mamlakatlar qurol-yarog‘ga sarflashi mumkin bo‘lgan iqtisodiy manbalar va reyting ishtirokchilarining geografik joylashuvi hisobga olindi.
Izoh (0)