Facebook’dagi “Voditeli Tashkenta” guruhiga 110-yo‘nalishida harakatlanuvchi Mercedes-Benz rusumli avtobus tramvay yo‘liga chiqib olgani aks etgan fotosuratlar joylashtirildi.
Qayd etilishicha, ushbu holat Mirzo Ulug‘bek tumanidagi Yalang‘och mavzesida, Mirzo Ulug‘bek shoh ko‘chasidan o‘tgan tramvay yo‘lida sodir bo‘lgan. Suratlarda avtobus tramvay bekatida to‘xtab turganini, uning ortida tramvaylar to‘plana boshlaganini ko‘rish mumkin.
Guruh foydalanuvchilari avtobus haydovchisi yo‘ldagi tirbandlikni aylanib o‘tish uchun tramvay yo‘liga chiqqanini taxmin qilgan, biroq ushbu holatning aniq sabablari ma’lum qilinmagan.
Izoh (0)