Bir ayol abituriyent jiyanini tajribali o‘qituvchilarga biriktirish maqsadida O‘zbekiston Davlat jahon tillari universiteti qoshidagi Respublika til o‘qitish markaziga olib keldi, deb xabar beradi “Huquq” gazetasi.
Ularni kutib olgan markaz o‘qituvchisi mijozlarning ishonchiga kirish rejasini tuza boshladi. Tez orada o‘qituvchi yuqori lavozimlarda ishlovchi tanishlari orqali ayolning jiyanini O‘zbekiston Davlat jahon tillari universitetining “Ingliz tili filologiyasi” fakultetiga o‘qishga 8000 AQSh dollari bilan kiritib qo‘yishiga ishontirdi.
Firibgar o‘qituvchining nayrangi ish bermadi: u kelishilgan pulni olayotgan vaqtida Bosh prokuratura huzuridagi SVOJJDLQK departamentining Toshkent shahar boshqarmasi tezkor xodimlari tomonidan qo‘lga olindi.
Izoh (0)