Toshkent — katta shahar va unda harakat xavfsizligini ta’minlash murakkab ish. Xavfsizlikni ta’minlash borasida bir qator ishlar amalga oshirilmoqda. Jumladan, shaharning bir qancha gavjum chorrahalariga kuzatuv kameralari o‘rnatilmoqda.
Ammo, hozir shahrimiz ko‘chalarda harakatni tartibli va xavfsiz deb atash mushkul. Shunday holatlarni ko‘ramiz-ki, haydovchilarning qo‘polligi va qonunni qasddan buzishiga tan berib yuboramiz.
Ana shunday hollardan bir nechtasi aks etgan videolavha “Daryo” tahririyatiga kelib tushdi. Uni e’tiboringizga havola etamiz.
2-mart, 8:59. Kichik halqa yo‘li va Bodomzor yo‘li chorrahasi. Davlat raqami 01 V 889 RA bo‘lgan oq rangli Cobalt yo‘lning qarama-qarshi yo‘nalishda harakatlanish uchun mo‘ljallangan qismidan o‘ngga burildi.
2-mart, 8:59. Kichik halqa yo‘li va Bodomzor yo‘li chorrahasi. Davlat raqami 01 E 778 TA bo‘lgan oq rangli Cobalt yo‘lning qarama-qarshi yo‘nalishda harakatlanish uchun mo‘ljallangan qismidan harakatlandi
4-mart, 11:03. Grand Mir mehmonxonasi oldidagi aylanma yo‘l. Davlat raqami 01 N 987 JA bo‘lgan tillarang Matiz chapdan hisoblaganda ikkinchi bo‘lakdan chapga qayilib, avariyaviy holat sodir etdi.
5-mart, 17:16. O‘zbekiston shoh ko‘chasi va Rashidov ko‘chasi chorrahasi. Davlat raqami 01 N 849 SA bo‘lgan to‘q rangli Malibu svetoforning qizil chirog‘iga faqat o‘ngga burilish uchun mo‘ljallangan yo‘lakdan to‘g‘riga yurib ketdi.
5-mart, 17:18. O‘zbekiston shoh ko‘chasi. Davlat raqami 01 Z 672 RA bo‘lgan to‘q kulrang Lacetti ko‘chaning qoq o‘rtasida yuklarini tushirmoqda.
7-mart, 18:58. Zulfiyaxonim va Shayxontohur ko‘chalari chorrahasi. Davlat raqami 01 A 989 NA bo‘lgan kulrang Mercedes yo‘lning qarama-qarshi yo‘nalishda harakatlanish uchun mo‘ljallangan qismidan chapga burilmoqda.
8-mart, 22:44. Megaplanet savdo markazi oldidagi chorraha. Davlat raqami 01 902 EAA bo‘lgan oq rangli Spark, davlat raqami 01 J 116 UA bo‘lgan ko‘k rangli Matiz svetoforning qizil chirog‘iga qaramay, harakatni davom ettirdi.
9-mart, 05:02. Amir Temur shoh ko‘chasi va Shahriston ko‘chalari chorrahasi. Raqami aniqlanmagan, och rangdagi Matiz svetoforning taqiqlovchi ishorasiga qaramay harakatni davom ettirdi.
9-mart, 05:04. Amir Temur shoh ko‘chasi va Bog‘ishamol ko‘chalari chorrahasi. Raqami aniqlanmagan Spark va Toyota Land Cruiser Prado avtomobillari svetoforning taqiqlovchi ishorasiga qaramay katta tezlikda harakatni davom ettirdi.
12-mart, 18:50. Amir Temur shoh ko‘chasi va Quloqtepa ko‘chalaridagi aylanma harakat. Davlat raqami 01 K 771 JA bo‘lgan oq Matiz va raqamlari aniqlanmagan oq Nexia va Spark svetoforning taqiqlovchi ishorasiga qaramay katta tezlikda harakatni davom ettirdi.
“Daryo” tahririyati ushbu qoidabuzarliklar borasida O‘zbekiston Respublikasi Ichki ishlar vazirligiga rasman murojaat qildi va javob olinishi bilan sizga batafsil ma’lumot beradi.
Izoh (0)