Xitoy Xalq Respublikasi Raisi Si Szinpin Islom Karimovni O‘zbekiston Prezidentligiga qayta saylangani bilan tabriklab, telegramma jo‘natdi. Bu haqda “Sinxua” axborot agentligi xabar bermoqda.
Si Szinpin Islom Karimov hukumat tepasiga kelganidan buyon siyosiy barqarorlik, iqtisodiy taraqqiyot, xalq farovonligi, O‘zbekistonning xalqaro nufuzi va ta’siri doimiy ravishda oshib kelayotganini ta’kidladi. Xitoy yetakchisi Islom Karimov rahbarligida davlat qurilishining barcha yo‘nalishlarida yanada katta muvaffaqiyatlarga erishilishiga aminligini ma’lum qildi.
Eslatib o‘tamiz, Markaziy saylov komissiyasi tomonidan e’lon qilingan O‘zbekiston Prezidenti saylovining dastlabki natijalariga binoan Islom Karimovga saylovchilarning 90,39 foizi ovoz bergani ma’lum bo‘ldi.
Avvalroq, Islom Karimovni O‘zbekiston Prezidenti saylovidagi g‘alaba bilan Rossiya Prezidenti Vladimir Putin va Qozog‘iston Prezidenti Nursulton Nazarboyev tabriklagani xabar berilgan edi.
Izoh (0)