Rossiya Federatsiyasi Prezidenti Vladimir Putinning O‘zbekiston Respublikasi Prezidenti Islom Karimov bilan telefon orqali suhbati bo‘lib o‘tdi, deb xabar bermoqda Kreml matbuot xizmati.
Vladimir Putin O‘zbekiston Respublikasi Prezidenti Islom Karimovni 2015-yil 29-mart kuni bo‘lib o‘tgan Prezident saylovidagi ishonchli g‘alabasi bilan qizg‘in tabriklab, unga yangi muvaffaqiyatlar tiladi.
Ikkala tomon ham Rossiya va O‘zbekiston o‘rtasidagi strategik sherikchilik va hamkorlik munosabatlarini yanada rivojlantirishdan manfaatdor ekanliklarini ta’kidladi.
Avvalroq, Vladimir Putin Islom Karimovga tabrik telegrammasini yo‘llagani, shuningdek Islom Karimovni O‘zbekiston Prezidenti saylovidagi g‘alaba bilan Qozog‘iston Prezidenti Nursulton Nazarboyev, Xitoy Xalq Respublikasi Raisi Si Szinpin, Tojikiston Prezidenti Emomali Rahmon va Turkmaniston Prezidenti Gurbanguli Berdimuhammedov tabriklagani xabar berilgan edi
Izoh (0)