Turkmaniston Prezidenti Gurbanguli Berdimuhammedov Islom Karimovni O‘zbekiston Prezidentligiga saylangani munosabti bilan tabrikladi, deb xabar bermoqda “Turkmenistan: Zolotoy vek” elektron gazetasi.
“Sizga mustahkam sihat-salomatlik, kuch-g’ayrat, shuningdek oliy davlat lavozimida O‘zbekistonning birodar xalqi taraqqiyoti va farovonligi yo‘lida muvaffaqiyatlar tilayman.
Muhtaram Islom Abdug‘aniyevich, Sizga bo‘lgan yuksak hurmatim hamda mamlakatlarimiz va xalqlarimiz o‘rtasidagi birodarlik munosabatlarini yanada rivojlantirish va mustahkamlashga tayyorligimni izhor etishga ijozat bergaysiz”, − deyiladi tabrikda.
Eslatib o‘tamiz, Markaziy saylov komissiyasi tomonidan e’lon qilingan O‘zbekiston Prezidenti saylovining dastlabki natijalariga binoan Islom Karimovga saylovchilarning 90,39 foizi ovoz bergani ma’lum bo‘ldi.
Avvalroq, Islom Karimovni O‘zbekiston Prezidenti saylovidagi g‘alaba bilan Rossiya Prezidenti Vladimir Putin, Qozog‘iston Prezidenti Nursulton Nazarboyev, Xitoy Xalq Respublikasi Raisi Si Szinpin va Tojikiston Prezidenti Emomali Rahmon tabriklagani xabar berilgan edi.
Izoh (0)