European Flight Simulator mutaxassislari 24-mart kuni Fransiya janubida Airbus A320 samolyotining halokatga uchrash holatini qayta tikladi, deb xabar bermoqda “Lavenir.net”.
https://www.youtube.com/watch?v=jd3J2B6I98I
Qulash jarayoni sakkiz daqiqaga yaqin davom etgan, simulyatsiya Boeing samolyotlari kabinasida amalga oshirilgan. Airbus parvozining ma’lumotlari “Flightradar24.com” saytidan olinib, simulyator dasturiga kiritilgach, parvozning aynan qanday davom etganini ko‘rsatib bergan.
Simulyatsiya vaqt, tezlik va balandlik bo‘yicha eng aniq ko‘rsatkichlar bilan amalga oshirilgan. Natijada qulash juda sekin sodir bo‘lgani aniqlanib, uchuvchi samolyotni ataylab pasaytirgani haqidagi taxminlarga dalil bo‘lmoqda.
Avvalroq Airbus A320 samolyotining ikkinchi uchuvchisi ataylab havo kemasi komandiriga kabina eshigini ochmagani ma’lum bo‘lgan edi. “Qora quti”dan olingan yozuvda uchuvchi qaytadan kabinaga kirmoqchi bo‘lgani, biroq buni uddalay olmaganini eshitish mumkin. Uchuvchi dastlab eshikni sekin taqillatgan, so‘ng qattiqroq urgan, shundan keyin esa eshikni urib sindirmoqchi bo‘lgan, biroq uddalay olmagan. Oxir-oqibat u kabinaga kira olmagan.
Eslatib o‘tamiz, 24-mart kuni Barselonadan Dyusseldorfga parvoz qilayotgan Airbus A320 samolyoti Fransiya janubida, Alp tog‘lari ustida halokatga uchrashi oqibatida layner bortida bo‘lgan 150 kishining barchasi halok bo‘lgan edi.
Izoh (0)