O‘zbekiston Respublikasi Prezidenti saylovida u yoki bu hududda tahsil olayotgan talabalarning ovoz berishi vaqtinchalik yashash hududi bo‘yicha amalga oshiriladi. Bu haqda Markaziy saylov komissiyasi matbuot xizmatiga tayanib “Darakchi” gazetasi xabar berdi.
Ularning ovoz berishlari uchun doimiy ro‘yxatda turgan yashash hududlariga borishlari talab etilmaydi. “Daryo” Markaziy saylov komissiyasi matbuot xizmati bilan bog‘langanda, MSK ushbu ma’lumotni tasdiqladi.
“Fuqarolar saylov huquqlarining kafolatlari to‘g‘risida”gi O‘zbekiston Respublikasi Qonunining 8-moddasiga ko‘ra, Saylov kuniga qadar yoki saylov kunida 18 yoshga to‘ladigan, tegishli saylov uchastkasi hududida doimiy yoki vaqtincha istiqomat qilib turgan O‘zbekiston Respublikasining fuqarolari saylovchilar ro‘yxatiga kiritilish huquqiga egadirlar. Har bir saylovchi faqat bitta saylovchilar ro‘yxatiga kiritilishi mumkin.
Izoh (0)