“Toshshahartransxizmat” aksiyadorlik kompaniyasi Toshkent metropolitenining kapital-tiklash ta’miridan o‘tadigan metro vagonlari haqidagi ma’lumotini taqdim etdi, deb xabar bermoqda “Uz24.uz”.
Qayd etilishicha, oltita vagon ta’mirlash uchun ajratilgan. Kapital ta’mirdan keyin vagonlar nafaqat yangilangan tashqi ko‘rinish, balki yangi ichki dizaynga ham ega bo‘ladi. Elektr, pnevmatik va mexanik uskunalar ham to‘liq yangilanadi. Yong‘in xavfsizligini ta’minlash maqsadida salonda yonmaydigan materiallardan foydalanadi, shuningdek avtomatik yong‘in o‘chirish tizimi o‘rnatiladi. Ushbu vagonlardan foydalanish muddati 15 yilga cho‘ziladi.
“Toshshahartransxizmat” ushbu ishlarga 7 milliard so‘m ajratilgani haqidagi xabarni tasdiqlamagan. Yakuniy qiymat ta’mirlash ishlari to‘liq tugatilgach e’lon qilinadi. Yangilangan vagonlar joriy yilning birinchi yarmida poytaxt metrosining Chilonzor yo‘lida tegishli sinovlardan o‘tkazilgach ishga tushiriladi.
Izoh (0)