Tailandda o‘tkazilayotgan Osiyo chempionatida o‘zbekistonlik Timur Gumerov omium (ko‘pkurash) bahslarida marra chizig‘iga birinchi bo‘lib yetib keldi va qit’a chempionatining oltin medali bilan birga 2016-yili Rio-de-Janeyro shahri (Braziliya)da o‘tkaziladigan XXXI yozgi Olimpiada o‘yinlarining yo‘llanmasi uchun muhim ochkolarni qo‘lga kiritdi, deb xabar bermoqda O‘zbekiston Milliy olimpiya qo‘mitasi matbuot xizmati.
Mazkur musobaqada ikkinchi o‘rinni Janubiy Koreya terma jamoasi a’zosi egallagan bo‘lsa, uchinchi o‘rin qozog‘istonlik sportchiga nasib etdi.
Yoshlar o‘rtasida o‘tkazilayotgan musobaqalarda O‘zbekiston sharafini himoya qilayotgan Dilmurjon Siddiqov ham bronza medalini qo‘lga kiritib, sovrindorlar safidan o‘rin egalladi.
Osiyo chempionati bahslari 14-fevralga qadar davom etadi.
Izoh (0)