“Kalashnikov” konserni AQShdagi Russian Weapon Company (RWC)ning Amerikada Rossiya brendi ostida avtomatlar ishlab chiqarishga bo‘lgan intilishini mantiqiy qadam deb hisoblaydi. Bu haqda “TASS” xabar bermoqda.
“AQSh bozorida ‘Kalashnikov’ konserni an’anaviy ravishda yetakchilikni saqlab kelgan. Kiritilgan sanksiyalar konsern mahsulotlariga qiziqishni sezilarli darajada oshirdi, va hozirgi sharoitdagi RWC tomonidan qilingan bunday harakat bizga butunlay mantiqiy tuyulmoqda. Ushbu loyiha afsonaviy Kalashnikov avtomatining mashhurligini yana bir bor isbotlaydi”, — deydi konsern matbuot xizmati xodimi.
Xabarlarga ko‘ra, dunyoga mashhur AK-47 “AQShda ishlab chiqarilgan” belgisi ostida chiqariladi.
Eslatib o‘tish joizki, o‘tgan yilning yozida “Kalashnikov” AQSh sanksiyalariga uchradi. Undan oldin Rossiya konserni AQSh va Kanadaga yiliga 200 ming dona qurol yetkazib berish bo‘yicha shartnoma imzolagandi.
Izoh (0)