Google Analytics statistika xizmati ma’lumotlariga ko‘ra, “Daryo” internet-nashriga 2014-yil davomida 1 439 772 mushtariy (unikal inson) tashrif buyurgan. 2013-yilda saytimiz sahifalariga 225 346 kishi kirgan bo‘lib, 2014-yilda mushtariylar soni 6 barobarga o‘sdi.
Mushtariylar “Daryo”ga bir marta emas, balki bir necha bor tashrif buyurganini hisobga olsak, 2014-yilda saytimizga qariyb 14 million tashrifchi tashrif buyurgan. Tashrifi davomida ular 46 million sahifani tomosha qilgan. Ya’ni, har bir tashrif doirasida tashrifchi 3 dan ortiq sahifani ko‘rgan.
Saytga kirish uchun tashrifchilarning qariyb 76 foizi mobil qurilmalardan, 23 foizi kompyuterlardan, 1 foizi esa planshetlardan foydalangan.
[divide style="2"]
Fursatdan foydalanib, saytimizga tashrif buyurgan 1 439 772 kishiga o‘z minnatdorchiligimizni bildiramiz. Siz azizlar bo‘lmaganda, xabarlarimizni o‘qimaganda, bizni tanqid qilmaganida biz hech kimga kerak bo‘lmagan bo‘lar edik.
Izoh (0)