Shimoliy Koreya yetakchisi Kim Chen Inning ammasi u bilan telefonda eri Chan Son Txek o‘limi haqida bahslashayotgan vaqtida insultga uchragan. Bu haqda KXDRdan qochib ketgan sobiq bosh vazirga tayanib, CNN xabar berdi.
Kim Gyon Xida hisob bo‘yicha uchinchi insult Shimoliy Koreyada eng nufuzli amaldorlardan biri hisoblangan turmush o‘rtog‘i qatlidan so‘ng sodir bo‘lgan. Kim Chen Inning ammasi shifoxonaga yetkazilgan, biroz vaqt o‘tib, u vafot etgan.
KXDRda Chan Son Txek qatl etilganidan so‘ng yuzaga kelgan vaziyatni yanada keskinlashtirmaslik maqsadida Kim Gyon Xi o‘limi haqida rasman e’lon qilinmagan. Avvalroq Janubiy Koreya OAVlari uning o‘z joniga qasd qilgani haqida xabar tarqatgan edi.
Chan Son Txek mamlakat Davlat Mudofaa qo‘mitasi raisi o‘rinbosari lavozimida ishlagan. U davlatga xiyonat qilgani sababli 12-dekabr kuni harbiy sud xulosalariga asosan qatl etilgan.
Izoh (0)