Taniqli xonanda Madonnaning ko‘ylaklari va sahna liboslaridan iborat kolleksiya Kaliforniyadagi kimoshdi savdosida 3,2 million dollarga sotildi, deb xabar bermoqda The Telegraph.
“Syuzenni behuda izlash” filmida ishlatilgan kiyim eng qimmat bo‘lib, 252 ming dollarga sotilgan. Material Girl qo‘shig‘idagi Fuschia ko‘ylagi 73,1 ming, 1985-yilgi aktyor Shon Pennon bilan to‘ydagi kelinlik ko‘ylagi 81,2 ming, Who’s That Girl turnesida foydalanilgan kiyim 50 ming dollarga sotilgan.
7−8-noyabr kunlari Beverli Xillzdagi galereyada Juliet’s Auction kompaniyasi tomonidan tashkillashtirilgan kimoshdi savdosida Madonna liboslaridan tashqari Jon Lennonning ko‘zoynagi 25 ming dollar, Elvis Preslining uzugi 57,6 ming dollarga sotilgan. Shuningdek, Devid Boui, Kurt Kobeyn, Maykl Jekson kabi taniqli shaxslarga tegishli bo‘lgan 700 dan ortiq buyum sotuvga qo‘yilgan.
Izoh (0)