Kataloniyada viloyatning Ispaniya tarkibidan ajralib chiqishi masalasida o‘tkazilgan so‘rovnoma yakunlari olib borilmoqda. Dastlabki ma’luomtlarga ko‘ra, so‘rovnoma ishtirokchilarining 80 foizi mustaqil Kataloniya uchun ovoz bergan. Bu haqda La Vanguardia’ga asoslanib Kun.uz xabar bermoqda.
So‘rovnomaga ikki savol qo‘yilgandi: “Kataloniya davlat bo‘lishini xohlaysizmi?” va, agar so‘rovnomada ishtirok etuvchi ijobiy javob bersa, ikkinchi savol: “Ushbu davlat mustaqil bo‘lishini xohlaysizmi?”. Har ikkala savolga ham faqat “Ha” yoki “Yo‘q” deb javob berish mumkin edi.
Byulletenlarning 88 foizi qayta ishlab bo‘linganidan so‘ng, so‘rovnomada ishtirok etganlarning 80 foizi har ikkala savolga ham ijobiy javob berganliklari ma’lum bo‘ldi.
10 foiz ishtirokchi “Ha – Yo‘q” ketma-ketligidagi javob bergan bo‘lsa, viloyatning 4,5 foiz aholisi Kataloniyaning alohida davlat bo‘lishiga qarshi chiqqan, 1 foizi esa faqat birinchi savolga ijobiy javob berib, ikkinchisini javobsiz qoldirgan.
Avvalroq, Kataloniya rahbari Artur Mas ikki millionga yaqin odam ishtirok etgan ushbu so‘rovnomani muvaffaqiyatli deb atadi. U Ispaniya bosh vaziri Mariano Rahoydan rasmiy referendum o‘tkazilishiga ruxsat berishni talab qildi.
Izoh (0)