Shayxontohur va Yunusobodni bog‘lovchi yangi ko‘prik 2015-yil bahorida foydalanishga topshirilishi ma’lum bo‘ldi

Toshkentning Shayxontohur va Yunusobod tumanlarini birlashtiruvchi yangi avtomobil ko‘prigi 2015-yil mayida foydalanishga topshiriladi. Bu haqda, Shayxontohur tumani hokimi Mira’zam Mirqosimovga asoslanib, Podrobno.uz ma’lum qildi, deb xabar bermoqda Kun.uz.

Hokim bo‘lajak ko‘prik va Gulzor (sobiq “Ganga”) maydonining ko‘rinishi maketi tasvirlangan va internetdan tarqalib ketgan fotosuratning haqiqiyligini tasdiqlagan.

Loyihaga ko‘ra, hududda nafaqat transportlar harakatiga yordam beruvchi avtomobil ko‘prigi, shu bilan birga piyodalar uchun yerosti va yerusti o‘tish yo‘llari ham quriladi.

Avvalroq, Gulzor maydonidagi estakada qurilishi ishlari 2014-yilning sentyabr oyida boshlanib, bir yil davom etishi xabar berilgan edi.