“O‘zbekenergo” DAK tomonidan O‘zbekiston Respublikasining 2014-yilgi Investitsiya dasturiga muvofiq ravishda yangi elektr energetika obyektlarini qurish, ishlab turgan energetika obyektlarini modernizatsiyalash va rekonstruktsiyalashga doir investitsiya loyihalari amalga oshirilmoqda. Bu haqda kompaniya axborot xizmati xabar berdi.
Hozirda “Tolimarjon IESini ikkita 450 MVt kuchlanishga ega bug‘-gaz qurilmasini qurish bilan kengaytirish” loyihasi bo‘yicha umumqurilish ishlari olib borilmoqda. Kuchli uskunalar uchun poydevor chuquri tayyorlandi.
“Toshkent IESda 370 MVt quvvatli bug‘-gaz qurilmasining qurilishi” loyihasi bo‘yicha gaz turbinalari, gazturbinali generatorning va yordamchi uskunalarning asosiy qismlari ta’minlovchi tomonidan yetkazib berildi. Joriy yilning oktabr oyida asosiy bug‘-gaz qurilma uskunalarining yetkazib berilishi rejalashtirilmoqda.
“Taxiatosh IESda 230-250 MVt quvvatli ikkita bug‘-gaz qurilmasining qurilishi” loyihasi bo‘yicha maslahatchi (konsultant) tanlash tenderi o‘tkazilib, tender g‘olibi bilan muzokaralar tugatildi.
“Angren IESda yuqori kulchanli ko‘mirni yoqish uchun issiqlik berish bilan ishlaydigan 130-150 MVt quvvatli energoblokni qurish” loyihasi bo‘yicha bosh pudratchi tomonidan 150 MVt ega generatorni, bug‘ turbinasi va qozonni tayyorlashga va yetkazib berishga shartnomalar tuzildi. Uskunalarni 4-chorakda yetkazib berish rejalashtirilgan.
“Angren-Pop” temir yo‘l liniyasi qurilishida tortuvchi kuchga ega nimstansiyani tashqi elektr energiyasi bilan ta’minlash” loyihasi doirasida elektr kuchini elektr transportiga moslab beradigan uchta elektr podstansiyasiga elektr yetkazib berish bilan ta’minlash ko‘zda tutilgan bo‘lib, hozirgi vaqtda 220 kV va 110 kV HLda qurilish ishlari olib borilmoqda.
0,4-6-10-35 kVli elektr tarmoqlarini qayta qurish va yangilash bo‘yicha chora-tadbirlarni amalga oshirish jarayonida umumiy uzunligi 697,5 km yuqori kuchlanish liniyalari qurilib, 629 ta komplekt transformator nimstansiyalar o‘rnatildi.
Izoh (0)