Rossiya Federatsiyasi hukumati RFga IIN-3M tadqiqot reaktorining nurlantirilgan yadro yoqilg‘isini keltirish bo‘yicha Rossiya-O‘zbekiston bitimini ratfikatsiyalash uchun Davlat dumasiga kiritdi. Bu haqda “Rosbalt” xabar bermoqda.
Gap Toshkent yaqinida joylashgan “Foton” AJga tegishli IIN-3M reaktorining yadro yoqilg‘isi — 90 foiz darajada boyitilgan 5000 grammga yaqin urandan iborat taxminan 30 litr yoqilg‘i haqida bormoqda.
Reaktor, qurilma va u uchun mo‘ljallangan yoqilg‘i Sobiq Ittifoq o‘rta mashinasozlik vazirligi korxonalarida tayyorlangan. Reaktor 1975-yilda ishga tushirilgan. 2012-yildan buyon O‘zbekiston IIN-3M reaktorini foydalanishdan chiqarish bo‘yicha reja ustida ishlamoqda. Mamlakat Atom energiyasi bo‘yicha xalqaro agentlikning suyuq yoqilg‘ini saqlash bo‘yicha talablariga javob bera olmasligi tufayli, u Rossiyaga yoqilg‘ini qaytarib olish iltimosi bilan murojaat qildi.
Izoh (0)