Doha shahrida Qatar hamda O‘zbekiston milliy terma jamoalari o‘rtasidagi uchrashuv nihoyasiga yetdi. Unda 3:0 hisobi qayd etilib, qatarliklarning g‘alabasi bilan yakunlandi, deb xabar bermoqda Uff.uz.
O‘yin kutilganidek, maydon egalarining hujumlari bilan boshlandi. Ayniqsa, Sebastyan Kuintananing xatti-harakatlari xavfli tus ola boshladi-yu shunday harakatlarning biri gol bilan yakunlandi. 18-daqiqada hujumchi chap oyog‘i bilan Nesterov darvozasini ishg‘ol qildi.
Birinchi bo‘lim oxirlarida al-Haydoz ham chiroyli tarzda O‘zbekiston darvozasiga gol urdi. Ikkinchi bo‘limda, aniqrog‘i 67-daqiqada zaxiradan maydonga tushgan Mash’al Abdulla uchinchi golni kiritdi va amalda o‘yin taqdirini hal qildi.
Hozircha Mirjalol Qosimov shogirdlari belgilangan uchta o‘rtoqlik uchrashuvlaridan birinchisini yirik mag‘lubiyat bilan boshladi.
O‘rtoqlik uchrashuvi
Qatar — O‘zbekiston: 3:0
Gollar: Kuintana (18), Haydoz (44), Abdulla (67).
O‘zbekiston: Ignatiy Nesterov — Salim Mustofayev, Bobur Yo‘ldoshev, Yegor Krimets, Shuhrat Muhammadiyev — Sardor Rashidov, Javlon Ibrohimov, Vladimir Kozak, Jamshid Iskanderov — Vohid Shodiyev, Igor Sergeyev.
Izoh (0)