O‘zbekiston keng polosali statsionar internetni joriy qilish bo‘yicha 190 mamlakat ichida 128-o‘rinni egalladi, deya xabar bermoqda UzDaily BMT ma’ruzasiga tayanib.
Ushbu hisobot 2014-yil 21-sentabr kuni Nyu-York shahrida BMTning raqamli taraqqiyot uchun keng polosali aloqa bo‘yicha Komissiyasi tomonidan taqdim etildi.
Nashrning ta’kidlashicha, 2012-yil yakunlari bo‘yicha O‘zbekiston bu borada 183 davlat ichida 131-o‘rinni band qilgan edi.
Hujjatga ko‘ra, 2013-yil yakunlari bo‘yicha O‘zbekistonda keng polosali statsionar internetning kirib borishi har 100 kishiga 1,1 abonentni tashkil qiladi. 2012-yilda esa ushbu ko‘rsatkich 100 kishiga 0,7 abonentdan iborat bo‘lgan.
Shuningdek, tadqiqot natijalari 2013-yilda O‘zbekistonda internetga ulanish imkoni bo‘lgan jismoniy shaxslar ulushi 38,2 foizga tengligini ko‘rsatdi. Ushbu ko‘rsatkich bo‘yicha O‘zbekiston dunyoning 191 mamlakati ichida 100-o‘rinni, 144 ta rivojlanayotgan davlatlar ichida esa 53-o‘rinni egalladi.
Izoh (0)