Afg‘oniston sobiq moliya vaziri Ashraf G‘ani Ahmadzay mamlakat prezidentiga aylanadi, deya xabar bermoqda Gazeta.ru Reuters’ga tayanib.
2014-yil iyulida Afg‘onistonda prezident saylovlari ikkinchi turining dastlabki natijalari e’lon qilingan, unga ko‘ra, Ashraf G‘ani Ahmadzay g‘olib bo‘lgan edi. Keyinroq davlat rahbarligiga ikkinchi nomzod Abdulla Abdulla natijalarning soxta ekanini aytib, ovozlar qaytadan hisoblanishini talab qilgan edi.
Biroq 21-sentabr kuni Abdulla Abdulla va Ashraf G‘ani Ahmadzay Afg‘oniston milliy birligi hukumatini tuzish haqida bitim imzoladi. Hujjat G‘anining prezident lavozimini egallashi, Abdulla esa vazirlar mahkamasi faoliyatini nazorat qiluvchi maxsus lavozimga ega bo‘lishini ko‘zda tutadi.
Prezident inauguratsiyasi yaqin kunlarda bo‘lib o‘tishi kerak.
Izoh (0)