O‘zbekistonda elektron tijoratni rivojlantirish uchun O‘zbekiston Respublikasi Prezidenti topshirig‘iga binoan, Markaziy bank “Elektron tijorat to‘g‘risida”gi (yangi nashrda) qonun loyihasi tayyorlandi. Bu yangilik maishiy texnika ishlab chiqaruvchi Artel kompaniyasi uchun rivojlanish yo‘lida yangi qadam bo‘ldi. Artel kompaniyasi o‘zining artelmarket.uz internet do‘konini yaratdi: O‘zbekiston aholisi kompyuterdan uzoqlashmay xarid qilish imkoniyatiga ega bo‘ldi.
Artelmarket.uz internet do‘koni yaratilganidan so‘ng, xaridorlarga Artel nomi ostida ishlab chiqarilayotgan maishiy texnikalarni divanda o‘tirib, qulay sharoitda sotib olish imkoniyati yaratildi. Artelmarket.uz sayti yordamida iste’molchilar O‘zbekistonda ishlab chiqarilayotgan sovutgichlar, konditsionerlar, kir yuvish mashinalari, oshxona plitalari, o‘rnatma texnika, televizorlar, mini pechlar, mobil telefonlar, changyutgichlarni sotib olishi mumkin. Saytda mahsulotlar haqida to‘liq ma’lumotlarni ham topish mumkin.
Internet do‘kon hech qanday uzilishlarsiz ishlamoqda. Do‘kon “tanla — buyurtma ber — xarid qil” tizimi asosida ishlaydi va bu mahsulotning narxiga hech qanday ta’sir o‘tkazmaydi. Faol reklama qilinmayotganligiga qaramay, internet do‘kon aholi orasida ommabop bo‘lib, har kuni bir necha buyurtmalar kelib tushmoqda. Shu bilan birga, saytning yana bir afzalligi shundaki, xarid qilingan mahsulotlar Toshkent shahri bo‘ylab bepul yetkazib beriladi.
Sayt o‘z faoliyatini shu yilning yozida boshladi va shu kunga qadar 1000 ga yaqin mahsulot sotildi. Bugungi kunga kelib, Artel mahsulotlariga ikki usul bilan buyurtma berish mumkin: (+998 71) 150-90-99 telefon raqami orqali yoki sayt orqali.
Internet-do‘kon O‘zbekiston bozori uchun savdoning yangi modeli bo‘lgani bois ba’zi xaridorlar internet savdolarga shubha bilan qaramoqda. Artelmarket.uz saytida xaridor o‘ziga kerakli mahsulotga buyurtma berganidan so‘ng, operator mijozga qo‘ng‘iroq qiladi va buyurtma shartlarini kelishib oladi. Mahsulot mijoz uchun qulay vaqtda kerakli manzilga yetkazib beriladi. Xaridor mahsulotni tekshirib olganidan so‘ng, texnika uchun pul to‘laydi. Internet-xarid orqali iste’molchilar vaqtlari va asablarini tejaydi, shu bilan birga bozorda tez-tez uchrab turadigan firibgarlarning tuzog‘iga ham tushmaydi.
Internet savdolar xorijda odatiy holga aylangan. Endilikda o‘zbekistonlik xaridorlarda ham bunday imkoniyat bor. Artelmarket.uz internet do‘koni O‘zbekistonda elektron tijoratni rivojlantirishda birinchi va muhim qadam bo‘ldi.
Izoh (0)