To‘y mavsumi oldidan Toshkent shahrida “To‘ylar muborak” nomli gala kecha tashkil etildi. Bu haqda Popcorn.uz sayti xabar bermoqda.
Bayramona bezatilgan mazkur oqshom milliy an’analarni saqlash, o‘zbek xalqining bebaho madaniy merosini namoyish etishda muhim rol o‘ynaydi.
Gala kechaga o‘zbek estradasining ko‘zga ko‘ringan taniqli vakillari tashrif buyurdi.
Ularning chiqishlari yig‘ilganlarga bir olam zavq bag‘ishlab, kechaga yanada ko‘tarinki kayfiyat baxsh etdi.
Kecha davomida bugungi kunda O‘zbekistonda o‘z faoliyatini olib borayotgan bir qator to‘y liboslari salonlari o‘zlarining yangi to‘plamdagi kelin liboslarini taqdim etdi.
Tadbir davomida bolalar guruhi ishtirokchilarining mashhur yulduzlar qo‘shiqlarini ijro qilgani barchaga yaxshi kayfiyat ulashdi.
Ma’lumot uchun, “To‘ylar muborak” nomi bilan O‘zbekistondagi barcha to‘y tantanalarini birlashtirgan o‘zbek tilidagi jurnal ham chop etilgan bo‘lib, bugungi kunda bu jurnal loyihalari kengaytirilmoqda.
Izoh (0)