Facebook asoschisi Mark Sukerberg muzdek suvni ustidan quyib yubordi va Microsoft asoschisi Bill Geytsni ham shunday qilishga undadi. Bu haqda The Verge ma’lumotiga asoslanib “Parol” nashri xabar berdi.
Mashhur insonlarning bunday qilishi Sharko kasalligi — mushak falajiga qarshi kurashish uchun pul yig‘ish kampaniyasi doirasida bo‘lib o‘tmoqda. Sukerbergdan avvalroq Microsoft rahbari Satya Nadella xuddi shunday ishni amalga oshirgan edi.
O‘z ustidan muzdek suvni quyib yuborgan kishi yana uch nafar kishiga xuddi shu vazifani 24 soat davomida qilishni yuklaydi. Bu ishni qila olmaganlar Sharko kasalligiga qarshi kurashish uchun hayriya qilishlari kerak bo‘ladi.
Facebook asoschisi Mark Sukerberg o‘z ustidan muzdek suv quyib bo‘lgach, Facebook boshqaruvi rahbari Sheril Sandberg, Netflix asoschisi Rid Heystings va Microsoft asoschisi Bill Geytslarni ham o‘z ustilaridan suv quyishga chaqirdi. Markning o‘zi Nyu-Jersi gubernatori tomonidan bu ishga chaqirilgan edi.
Izoh (0)