Ukraina osmonida Malayziya avialiniyasi samolyotini urib tushirgan o‘q zarbasi harbiy jinoyat deb baholanishi mumkin. Bu haqda 28-iyul, dushanba kuni BMTning inson huquqlari bo‘yicha Oliy komissari Navi Pilley bayonot berdi, deb yozadi Euronews.
Shuningdek, oliy komissar tezkor, mustaqil, xolis va samarali tergov olib borish kerakligini aytdi.
Ukraina qurolli kuchlari “Boing” qulagan hudud yaqinida faol harbiy harakatlar olib borayotgani xabar berilmoqda. Yaqin atrofdagi istiqomatchilar o‘z uylarini tark etmoqda. Xalqaro ekpertlar esa halokat joyiga ikki kundan buyon yetib bora olmayapti. Otishmalar olib borilayotgani, artilleriya snaryadlari portlayotgani tufayli ular yo‘ldan to‘xtagan.
Ukrain qo‘shinlari “Boing” qulagan tumanni o‘rab olgan. Ular strategik muhim Saur-Mogila tepaligini egallab oldi, shuningdek, Shaxtyorsk va Torez shaharlariga kirdi.
Izoh (0)