Toshkent viloyatida yangi zamonaviy shakar zavodini qurish va tashkil etish loyihasi bo‘yicha ishlab chiqarish quvvatlari foydalanishga topshirildi. Bu haqda O‘zbekiston Davlat statistika qo‘mitasi va Iqtisodiyot vazirligining 2014-yilning birinchi yarmida O‘zbekistonning ijtimoiy-iqtisodiy yakunlariga bag‘ishlangan hisobotida ma’lumot berilgan, deya ma’lum qildi “Kun”.
Hisobot matni 22-iyul kuni O‘zA tomonidan chop etildi. Unda qayd etilishicha, 2014-yil boshidan beri Investitsiya dasturiga kiritilgan umumiy qiymati 680 million dollarlik 64 ta loyiha amalga oshirilgan.
“Xususan, <...> bir kunda ming tonna ishlab chiqarish quvvatiga ega ‘Toshkent viloyatida yangi zamonaviy shakar zavodini qurish va tashkil etish’ <...> [loyihasi] bo‘yicha ishlab chiqarish quvvatlari foydalanishga topshirildi”, — deyiladi hisobotda.
Avvalroq, Toshkent viloyatida joylashgan “Angren industrial zonasi” hududida qurilayotgan, kuniga ming tonna shakar ishlab chiqarish quvvatiga ega bo‘lgan zavod 2014-yil oxirida bitishi haqida xabar berilgan, biroq keyinroq qurilishning so‘nggi muddati kuzga surilgani ma’lum bo‘lgandi.
Izoh (0)