19-iyul, shanba kuni Toshkent hayvonot bog‘i xodimlarining ko‘z o‘ngida 13 yoshli o‘smir bola tuyaqushlar qafasiga plastik stakan tashladi. Xodimlar chora ko‘rishga ulgurmay, tuyaqushlardan biri stakanni yutib yubordi. Bu haqda Gazeta.uz xabar berdi.
Muassasa mutaxassislarining aytishicha, bunday holatlarda erimaydigan buyumlar (hatto polietilinning bo‘laklari) xayvon ichagiga tiqilib qoladi. Bir necha kun o‘tib, tuyaqushning ishtahasi yo‘qoladi. Bir haftadan so‘ng esa o‘rnidan tura olmaydigan darajada holsizlanib, oxiri ochlikdan halok bo‘ladi. Stakanni yutib yuborgan aynan bu tuyaqushga nima bo‘lishi hozircha aniq emas.
Plastik buyumni qafasga tashlagan o‘smirning ota-onasi 40 ming so‘m atrofida jarima to‘laydi.
Hayvonot bog‘i ma’muriyati noyob qush va hayvonlarni qoidabuzarlardan himoya qilish uchun barcha choralarni ko‘rmoqda. Biroq sodir bo‘lgan hodisa bu choralarning har doim ham yordam bera olmayotganini ko‘rsatmoqda.
Izoh (0)