O‘zbekiston xalq artisti Ozodbek Nazarbekov 5-iyul, shanba kuni Rossiyaning Kaliningrad shahridagi “Yantarniy” sport saroyida konsert beradi, deya xabar beradi “Kun” Klops.ru ma’lumotiga asoslanib.
Hozirgacha konsert uchun barcha chiptalar deyarli sotib bo‘lingan, odamlar Nazarbekov konserti uchun guruh-guruh bo‘lib tushish maqsadida chiptalarni ommaviy ravishda sotib olishgan.
O‘zbekiston xalq artistining Kaliningrad shahridagi konserti uchun chiptalar sport saroyining sektoridagi joylarga qarab 1000 rubl (taxminan 30 dollar)dan 1,5 ming rubl (45 dollar)gacha sotilgan.
“Yantarniy”dagi konsert dasturida Ozodbek Nazarbekov bilan birga “O‘zbeknavo” xalq ijodiyoti ansambli, shuningdek, taniqli qiziqchi Shukrullo Isroilov ham chiqish qiladi.
Eslatib o‘tamiz, Ozodbek Nazarbekov 14-iyun kuni Rossiya shaharlari bo‘ylab gastrol safarini boshlagan edi. Gastrolni aynan 5-iyul kuni Kaliningraddagi konsert yakunlab beradi.
Izoh (0)