London shahrida tennis bo‘yicha “Katta Dubulg‘a” turkumiga kiruvchi, yilning 4 ta yirik musobaqasidan biri – “Uimbldon” turnirining asosiy tur bahslari davom etmoqda. Ushbu yirik turnirda Denis Istomin ham ishtirok etmoqda. Bu haqda “Olamsport” xabar berdi.
O‘zbekistonning birinchi raqamli tennischisi ilk davrada rossiyalik Dmitriy Tursunovga qarshi kortga chiqdi. Tursunov reytingda Denisdan yuqoriroqda turgan bo‘lishiga qaramay, so‘nggi o‘zaro uchrashuvlarda Istominning qo‘li baland keldi.
Ikki soat-u 29 daqiqa davom etgan uchrashuvda Istomin 7:5, 6:4, 3:6, 6:2 hisobida g‘alaba qozondi. Istominning ikkinchi davradagi raqibi Julian Rayster bo‘ladi. Germaniyalik tennischi ilk bosqichda AQSh vakili Maykl Rasselldan 6:4, 6:4, 6:7, 4:6, 7:5 hisobida ustun keldi.
Izoh (0)