Oliy liga musobaqasining 9-turidan o‘rin olgan “Paxtakor” hamda “Navbahor” klublari o‘rtasidagi uchrashuvda 2:1 hisobi qayd etilib, o‘yin toshkentliklarning g‘alabasi bilan yakunlandi. Bu haqda Uff.uz xabar berdi.
Dastlab, Igor Sergeyev uchrashuvning 5-daqiqasida hisobni ochib, maydon egalarini oldinga olib chiqdi. Oradan besh daqiqa o‘tar-o‘tmas Baxtiyor Yoqubov “Navbahor”ning javob golini yo‘lladi. Birinchi bo‘limda boshqa gollar kiritilmadi.
Ikkinchi bo‘limda tomonlar gol urish uchun harakat qildi. Xavfli vaziyatlar ikki jamoada yuzaga keldi. Ammo darvozabonlar ishonchli tarzda harakat qildi.
“Paxtakor” o‘ziga kerakli ikkinchi golni qo‘shib berilgan daqiqalarning so‘nggi soniyalarida urdi. Boyan Miladinovich penaltidan ikkinchi golni kiritdi va maydon egalarining g‘alabasini ta’minlab berdi.
Izoh (0)